Bu gündən etibarən "ТалышИнфо" Talış Xanlığının tarixindən bəhs edən
qiymətli bir əsəri - "Əxbarnamə"ni hissə-hissə oxucuların nəzərinə
çatdıracaqdır.
Məlumdur ki, bu qiymətli əsər Talış xanları: Mir
Mustafa və Mir Həsən xanların vəziri olmuş Mirzə Xudaverdinin oğlu Mirzə
Əhməd tərəfindən 1882-1883-cü
illərdə fars dilində qələmə alınmışdır. Əsərdə Talış Xalığının
tarixində baş verən bir sıra dramatik hadisələr, o cumlədən Ağa Məhəmməd
şah Qacarın (1779-1797) Talış Xanlığını özünə tabe etdirmək məqsədilə
Talışa hucumu detalları ilə qeydə alınmışdır.
"Əxbarnamə"də
əsas etibarı ilə 60 illik bir dövrdə (1740-1840) Talışda cərayan edən
ictimai-siyasi hadisələr şərh edilir. Əsər Talış Xanlığının tarixini
öyrənmək nöqtəyi nəzərindən qiymətli bir tarixi mənbədir.
Əsərlə
diqqətlə tanışlıqdan sonra hər bir oxucu bir daha "tarix hansısa
formada takrarlanir" deyiminin, xüsusən Talışa və talış xalqına
münasibətdə nə dərəcədə real olduğunu görəcəkdir.
"Əxbarnamə"
1955-ci ildə Azərb.SSR EA Tarix İnstitutunun elmi işçisi Musa Ələsgırli
tərəfindən turk dilinə tərcümə edilmişdir. 1975-ci ildə əsərin
tərcüməsinin yeni variantı Əli Hüseynzadə tərəfindən hazırlanmış və
xidməti istifadə üçün 120 nüsxə ilə nəşr edilmişdir. Demək olar ki, əsər
uzun müddət talış xalqından gizlədilmişdir. Yalnız 2000-ci ildə Şəfaət
Baxşızadənin təşəbbusu ilə "Əxbarnamə"nin 1975-ci il nəşrinin foto
surəti ona əlavə edilən muqədimmə ilə bir yerdə 655 nusxə ilə işıq üzü
görür. Lakin bu da "Əxbarnamə"yə olan oxucu taləbatını ödəyə
bilməmişdir. İndiyə qədər bu qiymətli əsər barədə internetdə demək olar
ki, heç bir məlumata rast gəlinmir. Butun bunları nəzərə alaraq biz
"Əxbarnamə"nin 1975-ci nəşrinin foto surətini "ТалышИнфо"da verməklə bu
əsəri bir dəfəlik olaraq geniş oxucu kütləsinə təqdim edirik. Əsər
hissə-hissə bütünlüklə oxucuların ixtiyarına veriləcəkdir. Bunun üçün
Sizə mütəmadi olaraq "ТалышИнфо"nu izləmək lazım gələcəkdir.
Baş redaktordan
01-15-ci səhifələr
15-33-cü səhifələr
34-51-ci səhifələr
52-69-ci səhifələr
70-87-ci səhifələr
88-105-ci səhifələr | 
ТалышИнфо - новости, политика, аналитика
