- Исмаил Мусаевич, расскажите, пожалуйста, когда образовалась талышская диаспора и как давно талыши поселились в России?
- Талышская диаспора существует с 2008 года. В основной своей массе талыши переехали жить в Россию не так давно, можно сказать, после распада Советского Союза, впрочем, как и представители многих других народов. Теперь Россия стала для нас историческим местом проживания – второй родиной. Подавляющее большинство переселившихся в Россию талышей живет в основном в Москве, Санкт Петербурге, Екатеринбург, Тюмени и в Астраханской области.
Главная » 2010 » Май » 1 » Bənə Əli Nasiri şairış bıə milləti bo hıte həxış ni
02:55
Bənə Əli Nasiri şairış bıə milləti bo hıte həxış ni
ƏLİ NASİR - 55
Tolışə milləti hıstemoni iyən jimoni muşkulaton bəştə bo kardə mərdanə şairondə qləyən Əli Nasire. Şairi pencopenc siniş təmom bedə inşaAllah! Bı pencopenc sori Şairi şələ (Qonə şələ) hiç sıvık nıbe. Şələ səpe, şələ bo be... Dil lozime durum bəhə...
Boçi mını şair zande şinə mo
Ujən bomı lay-lay bıjən bıhıtım. Pəvşim qətə boştı hande, şinə Mo Bəy ərəsni sa sor şeir bıvıtım, Çiçım vote bəy nımande, şinə Mo- Boçi mını şair zande, şinə Mo?
Fərzənd manqurt bəbe, ya bəştə milləti sadiqə merdondə bəbe? Iştə milləti dardiku dard kəşə şair bəbe, ya co milləti kəybə qəvədə be dard, be ğəm-ğussə mahne bahande?
Ne, ım cı fərzəndi dı valideyni arədə bıə sual-cəvob ni. Im bala dı nənə aradə bıə dardı-dıle. Valideyn de toba orəxnə nəfəsi cı Xıdoku boştə "balə” firavonə jimon arzu kardə. Əli Nasiri isə firavonə jimonıj nıvindışe.
In şeeri iminə kərə handeədə cımı dıl dı ğıbo pur be. Jığo bızın Əli Nasiri ım dardi-dıli ıştə valideyni məzari səpe kardə. Əncəx ın sətıron nınıvıştə bənav Şairi valideynon vəfat karde bəmı məlum nıbe. Im şeeri təhlildə az nəznım karde ıştə dəvoniyə hissiyaton səpe tam-tamijə dəvardim. Əve Şairi şəxsən zinəkəsonku xəbəm qəte, əncəx səheyə məlumatım se nıznəme. Əlocım nımande, Şairi telefoni numrəm se, bəcəy ıştəni zanqım kardıme, ətrafinə məlumatım səme.
Mavıtənbən Şair şəş sor turmədə hıtəbəpeşt, omeydə bə Lankon, dəşedə bəştə dədə so, vində əleli soş eqətəşe. Bə Şairi ım səhnə bevəc təsir kardə. Peşo şedə ıştə moə məzari səpe həmonə səhnə vinde bəpeşt, nıştə məzari kəno bə zono, ın şeeri iminə kupleti vıtdə:
Həyatı telə jimoniku bezo bıə Şair pəvşiş qətə boştə moə lay-lay, boəçəy şinə sədo, oqardeş pidə bə şinə əğləti devr.
Bəy ərəsni sa sor şeir bıvıtım, Çiçım vote bəy nımande, şinə Mo- Boçi mını şair zande, şinə Mo?
Şair bə "şikayəte” ki, ım sa sornə şairəti, bə moə lay-lay jə dovri əqıni, ın sa sornə şeer vote, cı moə lay-lay moliyətdə be əzıni. Dı "şikayəti” Əli Nasir ıştə şairə heykəli (buti) ıştə moə lınqonku arıştə: "Boçi mını şair zande, şinə Mo?” votedə.
Şair ısə nıştə bə zono həm boştə moə, həmən boştəno bə "lay-laye”:
Çəşım okay, yurdım vinde rınə mı, Oğo nıbe, zuman karde çana mı, Baləş bımiyo çı Tolışi bənə mı, Tolışi han vey zumande, şinə Mo- Boçi mını şair zande, şinə Mo?
Bı kupletdə ısəbo Şair boştə milləti bə "lay-laye”. Jığo bızın Şairi Moə bəyış votə: Balə bışi ıştə hıtə boon pekə. Məxloğ həmə əyştə, boştə bə əlləyəxe, şımənən bəyştən… Şairi "şe-omə” di kəşəşe, da sor dəvarde. Isə bənə taxsikora əğıli nıştə, boştə milləti "lay-lay” ne, mərsiyə votedə:
Oğo nıbe, zuman karde çana mı, Baləş bımiyo çı Tolışi bənə mı, Tolışi han vey zumande, şinə Mo.
Baləş bımiyo çı Tolışi bənə tı, şair Əli Nasir. Bənə tı şairış bıə milləti bo hıte həxış ni.
Şe-şe çəmə vəyştə boğon şor bedən, Kələ zoon fırse-fırse mor bedən. Çımı şeiron çı voy bardə por bedən, Tolış ısət bexıvande, şinə Mo- Boçi mını şair zande, şinə Mo?
Bəle! Həxpərəstə Şajr həxədəy. Tolış bexıvande. Xıvandış nıbə boği ləzzəti ım-əv bəbay. Tolışi xıvandış bıəbəy, kələ zoon mor beşon piədə, çə morondə qləyni səy ıştə lınqi jiədə hırd əkəy, bə əmandəyonən dərs əbi. Tolışi xıvandış bıəbi, Əli Nasiri şeron voy barde əvəzi, toloşə məktəbondə təhlil kardə əbin. Xəlq boştə Şairi rəsmi surətdə yubiley dəəvoni.
Azan umri dəvonim dı kaşt-dıvi, Bıstən-bəhvat əkardim dı moy-mıvi, Ya əhvatim limo, mandəren, kivi, Şeri çımı kuməş ğande, şinə Mo- Boçi mını şair zande, şinə Mo?
Diə kardeədəy bə handəkəson jığo bome ki, Şair dı ticarəti, kaştemoni məşğul bıəkəson tənə jedə. Im jəğo ni. Həxpərəstə şairi həxış ni ıştə rujiqori fiki kardə xəlqi tənə bıjəno. Şairi "dave” mənəviyati daveye. Bı "vıjor”də moy-mıv şedə, limo, mandəren, kivi şedə, Şairi şeeron şedəni (çana şeeron bo çapədə beşe nubə çəş kardən).
Isət zındəm lay-layi kam boçi jə, Isət zındəm boçi mını rə ojə, Isət zındəm dınyo jəybən bə vıjə, Vey hıtəkəs be yurd mandə, şinə Mo- Əve mını şair zande, şinə Mo.
Şair ıştə ın orəxnə kupletədə ıştə mudrikə moə - bəyo lay-lay kam jə, ey rə ojə moə dərəsdə, əy təsdığ kardə. Im Mığəddəsə Moə bı dınyo vıjə-vıjə çəşənəvoş kardə, bı dınyoədə vey hıtəkəsış be yurd, be zəminış vində, Əli Nasirış rə ojə ki, Şair çı moə əğıl ne, ıştə milləti zoə bıbuy, iştə yurdi, ıştə Vətəni fiki bıkəy.
Xıdo tıni rəhmət bıko, şinə Moə ki, jığo qləy şairə zoə zandə bo Tolışi!
Bıjioş Əli Hasir! Bıjioş Tolış! Bıjioş Tolışi Poeziya!
P.S. Əzizə tolışon, ımiən bıvıtom ki, zındəm ın şeyri bə tolışə sayton poeziya tema dənoə bəbe, əncəx şıməku xaiş kardəm, jığo bıkən ki, hiç nıbo dı beməno şeeron i səhifədə nıbo.
ТалышИнфо - новости, политика, аналитика
