Бини  чәвәдә Сәфиәкуән һыстеја әј быдә...

Мәдоәдә гылә мерди соәдәш гыләј омутә сыпәш һыстебән.Ым сыпә һа руж маштә әшибән де пәсон бә кәфшән, шангбәсәјән пәсон дәнә әкәј әвәјбән бә кә.Ружичыружон тојк даршидә,сыпә  бе пәсон омедә бешедә бә кә.Ымон һа дастпочә бедән,жыго-жәго витедән,нәведән. Пәсон нин ки нин.Сыпән зывоныш ни ки чәјку быпарсон.Әлғәрәз шәв че нимә сидә пәсонән нин.Кәхвандә мерд шедә че мәло тоно.Һоли –ғәзијә гәп жедә.Мәло бәј вотедә :-Мы гылә дывом кардыме,иншалла машки ышты пәсон пәјдо бәбен,нороһәт мәби.Ым мерд омедә бә кә машки ружобыни бешедә бә кәфшән ыштә пәсон виндә ве шо бедә.Һәмонә ружиән диәдә узр бедә.Ысәт бы узрәдә ым мерд гәвбәпури ым мәло тәриф кардә ки ,һәни чич бывотом.Сәјд Тураб номәдә гыләј мерд ныштәбән чодоәдә,бы гәпон гуш додәбән.Ым Тураб маму бә и гәв огардедә вотедә:- Һежо жәго сыпә огәтеcән гылә мәло огәте әфсәле.....