Fikirləşə-fikirləşə qalırsan ki, onu didən, parçalayan, diz çökdürən yalana, talana, haqsızlığa boyun əyən, öz içindən üstünə yeriyən qorxuya yenilən insan yığınına necə müraciət edəsən? Axı taleyinə bu qələr biganə qalanlar sərhədləri bəlli, adı, ünvanı olan bir ölkədə yaşayırlar. Onun dövlət başçısı, baş naziri, çeşid-çeşid nazirləri, hətta parlamenti də var. Ortaq dəyərləri bölüşən, yönü, səmti bəlli, pisi-yaxşıdan ayıra bilən, özündən və özgədən qorunana xalq isə yoxdur. Bu səbəbdən ona ad qoymaq, müraciət forması tapmaq da müşkülə dönür. Həm etik çərçivəni aşmamaq, həm də özünə ögeylikdə günahlandırılmamaq xatirinə adına TOPLUM deyək.

Ağrı-acı ilə dolu, qanlı-qadalı bu 20 il də toplumu dərkə qovuşdurmadı. Pis-yaxşı dövlət qurumları yarandı, ayağa durmaq, boy göstərmək torpağının sərvətləri də yetərincəydi. Bircə buna sahib duran xalq meydana çıxmadı. Bu fürsətdən özümüzə qənim kəsilən acgöz, tamahkar məmurlar yararlandılar. İndi onlar talan etdikləri sərvətlərin əvəzində bizə o qədər köntöy-köntöy baxırlar ki, elə bil yaddan da yaddılar və heç bu dildə də danışmırlar...
Elə bil düşmən də səbrinə qısılıb, gec-tez bizim indiki durumla üzləşəcəyimizi gözləyirdi. 20 il əvvəl meydanlara axışıb hayqıran toplumun 20 il sonra belə mağmın, yazıq, çarəsiz vəziyyətə düşəcəyi sanki əvvəlcədən ölçülüb-biçilmişdi. 15 ildən bəri üz-üzə duran tərəflərin arasında elçilik edən, əslində isə xristian təəssübkeşliyi çəkən, sonda bizi bu aqibətlə üz-üzə qoyanlar da niyyətlərini gerçəkləşdirmək üçün belə lal kütlə arzusundaydılar.

Sakit-səssiz, əli qoynunda öz müsibətimizə tamaşa eləyirik. İndi yeganə arxa-dayaq sandığımız Türkiyənin dar ayaqda bizə xəyanət etməyindən, təklənməyimizdən, dövlət kimi mövcudluğumuzun böyük təhlükə altına alındığından, torpaqlarımızın siyasi bazarlıqda nə qədər ucuz qiymətə satılmağından da qorxa-qorxa danışırıq. Günahın bir tərəfində bu toplumu belə gözüqıpıq vəziyyətə salan rejim dayandığından ən böyük dərdimizi də pıçıltıyla bölüşürük.
Ermənilər ənənələrinə sadiq qalaraq bu bazarlıqda daha böyük pay qoparmaq bütün vasitələrdən yararlandı: müxalifətə də meydan verildi, “yazıqların” səsini bütün dünya eşitdi, erməni diasporu da yumruğunu silkələdi...

Azərbaycanda mövcud olan bu rejim dara düşəndə dəfələrlə üzünü topluma tutub, kömək diləyib və təhlükələrdən yayınanda isə əvəzini qaytarmağı unudub. İndi də mövcudluğunu qorumaq qayğısına qaldığından, qəsdimizə duranları niyyətlərindən çəkindirmək üçün bu toplumun iradəsini ortaya qoymağa cəsarət eləmir. İnsanlara aşıladığı qorxunun qədərini öz içində çəkir. Hakim zümrə öz əkdiyini biçir – illər boyu əzdiyi, tapdadığı kütlə ilə arasındakı körpü sındırıldıldığından qorxu xofu onu uçurumun o biri tərəfində dayanıb tamaşa eləməyə məcbur edir. İnsanların bu qədər üz döndərdiyi iqtidarın dünyada bənzəri varmı?

Neftdən gələn gəlirlər, iqtisadi inkişaf, maliyyə imkanları, ordumuzun qüdrəti ilə bağlı deyilənlər də üzləşdiyimiz gerçəklə müqayisədə puç olan xəyal təsiri bağışlayır. Kaş bütün bunların əvəzinə ortada üstünə yeriyən bütün əzablara sinə gərən xalq adlı bir birlik, güc olaydı. Onsuz da sadalananların qədərincə ehtiyac içində yaşayırıq. Üstəlik xeyrini bir ovuc məmurun gördüyü sərvətlərlə bağlı ortaya atılan təbliğat ağır daş kimi ayaqlarımızdan asılır.

Hətta çevrəmizdəki ölkələrlə müqayisələr aparanda görünür ki, məmurların öyündüyü Azərbaycanda insanlar daha dözülməz güzəranla üz-üzə qalıblar. Hec bizim dövlətin başında dayananın sadaladığı öyüncək rəqəmləri saya salan da yoxdur. Onsuz da gerçəyi görürlər, yalnız özümüzün eşitdiyimiz bu tərifləri üzləşdiyimiz müsibətlərin bir rəngi sayırlar.

İndi yalnız illərdən bəri yağmaladıqları haramı qoruyan məmurlara yönələn bir haray hamının içindən keçir: çəkilin yolumuzdan, qoy bütün dünya eşitsin ki, belə hərraca çıxarılmağımızla barışmayacağıq! Siz də yığdığınız haramı tıxana-tıxana, udquna-udquna, boğazınızda qalana qədər yeyin, bircə bizi əli qoynunda öz faciəmizi seyrçi qalmağa məcbur etməyin.

Meydanda tək qalmışıq, özümüzdən savayı arxamız, dayağımız yoxdur.

<Meydanda tək qalmışıq, özümüzdən savayı arxamız, dayağımız yoxdur.> Turkun Turkdan bashqa dostu yoxdur shuarlarini alda bayrag edib, bashqa yerli xalqlari dushman kimi baxmaq va hamisha tahqir edanda, maqar bijmirdinizmi Panturkizm ideoloqiasinin axiri yioxdur bu sadaja olaraq yalandan duzaldilmish mifdir.
Bu hala bashlangijidir asas sarquzashtlar qabagda qezlanilir.

Мне хотелось бы особенно подчеркнуть неадекватно мощную интервенцию в процесс с американской стороны. Весь процесс однозначно курировался со стороны США, причем курировался несправедливо. Это было достаточно вульгарно, в том числе в виде вмешательства в тексты заявлений министров иностранных дел независимых государств Армении и Турции. Не исключено, что процесс освобождения азербайджанских земель также будет управляться Вашингтоном, и в этом случае процесс будет явно не в нашу пользу.
Политолог Октай Садыхзаде.XRONIKA.az

«Азербайджан так загнан в угол, что у него нет иного пути кроме российско-белорусского Союзного государства. Я считаю, что Азербайджан сможет защитить свою территориальную целостность только в этом союзе»,- заявил депутат. Указав ошибочную позицию турецкого руководства, Гасангулиев предлагает пересмотреть политику страны по отношению к Турции: «Азербайджан продает Турции свой газ фактически в три раза дешевле его стоимости на мировых рынках. Мы, можно сказать, превратили Турцию в транзитную страну нефти и газа».